الرئيسية / إبداعات / حمدي الحامولى | يكتب : ليه العلاقات بتفشل ؟؟!

حمدي الحامولى | يكتب : ليه العلاقات بتفشل ؟؟!

  • 14218389_1756837447913770_732214534_n
    سؤال مهم واجابته طويله شوية .. بس اعتقد انها هتفيد كل اللي هيقرأها 🙂 فيه دكتور نفسي شهير جدا في امريكا اسمه ” د. فيل ماكجرو ” وقال ” ان استخراج رخصة القيادة افصل من استخراج وثيقة الزواج .. لأن في الحالة الاولى يخضعونك في اختبارات صارمة .. كي يضمنوا لك الاحتراف في القيادة … لكن الزواج لا تسبقه اي اختبارات .. كي تضمن لك علاقة جيده ” . خليك فاكر الكلام ده لانك هتحتاجه بعدين

    ندخل في الموضوع بقى ونقول .. بسم الله الرحمن الرحيم . عارفين ايه اللي جايبنا ورا في العلاقات وبتخلي اكتر العلاقات بتفشل ؟! الحجات اللي انت بتتفرج عليها زي الافلام والمسلسلات والقصص والروايات اللي بيبقى فيها حب بزيادة شويه … والمشكله ان انت كـ راجل بتحط نفسك مكان البطل وبتتخيل نفسك مكانه .. وانتي كـ بنت بتبقى عايزة واحد زي البطل ده وبتحطي نفسك مكان البطله برضه . انت لو معتقد ان الحجات اللي بتبقى في التلفزيونات والسينما حقيقيه .. فـ انا مش هستبعد عليك انك مقتنع تماما ان فيه واحد جاي من الفضاء وعلى ضهرة عباية حمرة وملابسه الدخليه فوق الخارجيه .. لو انت معتقد ان ” سوبر مان ” ده شخص حقيقي يبقى انت كده مافيش رجى منك .

    والحجات دي لحست دماغ بلبلدي …. الحجات دي بتأثر على عقلك وبتخلي عقلك يفكر في حجات مالهاش اي علاقة بـ اللي انت فيه . بس عشان ماطولش عليكم برضه لاني مش عارف انا هنهي كلامي امتى … انا عايزك تعرف ان ” مافيش حاجه اسمها فشل بس فيه نتائج غير متوقعه ” و ” مش كل اللي انت شايفه فشل بنسبه لك بيقى كده فعلا ” ” مثال ” …. انت لو دخلت امتحان .. وجبت في الامتحان ده 7 من 10 .. لو انت كنت حاطت احتمالت وتوقعات ان انت كان ممكن تجيب اكتر من الرقم ده .. فـ بالتالي هتعتبر ان الدرجه دي بنسبه لك فشل … لكن انت لو كنت متوقع ان كان ممكن تجيب في الامتحان 5 من 10 .. فـ الرقم ده بنسبه لك نجاح مش فشل .

    وهو ده بظبط اللي بيحصل في اكتر العلافات … انت بتبقى حاطت مابينك وبين نفسك توقعات واحتمالات انك هتعيش حياة سعيدة وهنيه زي ما كان البطل عايش مع البطله .. ولما ترتبط وتشوف ان كل الحجات اللي انت توقعتها دي ماحصلتش خالص في الحقيقه او مع الشخص اللي انت ارتبط بيه .. هتقول عليها انكم فشلتوا . المشكله ان كل قصص الحب والروايات والافلام والمسلسلات بتجيب جزء صغير اوي من العلاقه نفسها .. وبتلاقي ان البطل والبطله بيعشوا وسط الشموع والورود والعصافير المغرده .. وفيه مابينهم لهفة طول الوقت واشتياق .. ونظراتهم لبعض بتكون نظرات عشق وغرام .. وكلامهم كله مابيخرجش عن الكلام الرومنسي .. ولو كان الفيلم نفسه +18

    هيبقى فيه حجات تانيه برضه رومانسيه …… بس كل الكلام ده خزعبلات بتصنعها الدرامه في عقلك ومش صحيحه بالمرة . طيب سؤال … لو كلامي ده صحيح وان الحب فعلا مش بالافلام والمسلسلات والحجات دي .. اومال ايه هي العلاقات اللي بتنجح ؟؟ تعالى انا بقى اقول لك ايه هو اللي بينجه 🙂 بص يا ابو الشباب وانتي يا ست البنات … اي علاقة في الدنيا بتمر او المفروض تمر بـ 3 مراحل .. ” مرحله الانبهار … مرحله الاكتشاف .. مرحله التعايش ” 1- مرحلة الانبهار ….. في المرحلة دي بتشوف الشخص اللي انت بتحبه ” كامل ” ومش ناقصه اي حاجه خالص .. ظريف ودمه خفيف .. عاقل .. محترم .. كلامه فيه حكمه .. وبتكون فرحان وانت بتتكلم معاه وفرحان اكتر وانت بتقدي وقته جنبه .. وبتحس انه مختلف خالص عن اي حد انت قابلته في حياتك .. بتحس انه فعلا شخص كامل .

    والمرحله دي هي اللي نجحت قصايد الحب وكل اغاني الحب اللي في الدنيا دي .. لان كل شخص كتب حاجه من دول كان بيكتب وهو في مرحلة الانبهار وبيوصف بيها حبيبه . 2- مرحلة الاكتشاف … في المرحلة دي انت بتكتشف ان الشخص اللي انت كنت شايفه كامل .. مش كامل زي ما انت كنت فاكر .. وبيبدأ يحصل خلافات مابينكم .. وبتشوف عيوب في الشخص ده انت ماكنتش شايفها ” زي مابيقولوا كده مرايه الحب عاميه ” .. ومشكله تجر مشكله في مشكله وهكذا …… طب واللي بيحصل في المرحلة التانيه ده طبيعي ؟؟ الاجابة …

    ايوووووه طبيعي جدا .. ولما ده يحصل معاك اعرف ان انت كده في الطريق الصحيح .. لان في الوقت ده انت بتشوف الشخص اللي انت بتحبه على حقيقته .. ووقتها انت بتقرر انت هتكمل معاه ولا لاء . 3- مرحلة التعايش … والمرحله دي تعتبر من اهم المراحل في العلاقه … لان انت بتتعايش مع الشخص اللي انت بتحبه بكل عيوبه ومميزاته .. لو هديتوا المرحله دي بنجاح اعرفوا انكم هتعيشوا احسن من البطلين اللي كان نفسكم تعيشوا زيهم . ” العلاقه الناجحة هي اللي بتحافظ على اتزانها في جميع المراحل ” . ماتخليش حاجه تسيطر عليك .

    عش حياتك مع الشخص اللي انت بتحبه زي ما انتوا مع بعض .. وع فكرة .. طبيعي جدا ان انت وشريك حياتك تكونوا مختلفين … انت عيش في بيئة غير اللي هو عاش فيها .. انت اتربيت من اب وام غير ابوه وامه .. انت اتعلمت حجات غير اللي هو اتعلمها .. انت ليك اصحاب غير اصحابه .. انت لك مبدأ في حياتك غير مبادئه هو … طبيعي جدا انكم تكونوا مختلفين ….. لكن في الافلام والحجات دي .. بتلاقي ان البطل والبطله متشابهين جدا في كل حاجه … م الاخر كده كل ده ضحك ع العقول .. عيشها زي ما انت عايشها .. مش زي ما غيرك عاشها 🙂